मानवताले सजिएको जन्मदिन –

काभ्रे जिल्ला, बनेपा नगरपालिका वडा नं. ४, निवासी इन्द्र माया श्रेष्ठ ज्यूले आफ्ना छोरा न्द्दच्छे नारायण श्रेष्ठ ज्यूको जन्मदिनलाई केवल पारिवारिक उत्सवमा सीमित नराखी सामाजिक सेवाको सुन्दर अवसर बनाउनु भएको छ। उहाँले यस पावन अवसरमा भक्तपुरस्थित छोरीको घर ज्येष्ठ नागरिक आश्रममा उपस्थित भई त्यहाँ आश्रित बुवा–आमाहरूका लागि नगद रु. ८,००० बराबरको खाना तथा जाडोयाममा उपयोगी जुत्ता सहयोग प्रदान गरी मानवताको उत्कृष्ट उदाहरण प्रस्तुत गर्नुभएको छ।
आजको भौतिकतावादी समाजमा जन्मदिनजस्ता अवसरहरू खर्चिलो प्रदर्शनमा सीमित हुँदै गइरहेका बेला श्रेष्ठ परिवारको यो कार्यले समाजलाई गहिरो सन्देश दिएको छ आश्रममा रहेका वृद्ध–वृद्धाहरूका अनुहारमा देखिएको सन्तोष र आत्मीय मुस्कानले यस सहयोगको सार्थकता झन् प्रस्ट बनाएको छ।
बुवा–आमाहरूका लागि खाना र जुत्ता केवल सामग्री मात्र होइन, सम्मान र अपनत्वको अनुभूति हो।
इन्द्र माया श्रेष्ठ ज्यूको यस कार्यले करुणा, सहानुभूति र सेवाभाव समाजमा अझै जीवित छ भन्ने आशा जगाएको छ।
यस्तो महान कार्य गर्नुभएकोमा इन्द्र माया श्रेष्ठ ज्यूलाई हार्दिक आभार व्यक्त गर्दै छोराको जन्मदिनको अवसरमा सुस्वास्थ्य, दीर्घायु र उत्तरोत्तर प्रगतिको कामना गर्दै अष्टचिरन्जीवी सदा दाहिना रहुन भनि भगवान श्री पशुपति नाथसँग प्रार्थना गर्दछौं।

छोरीको घर ज्येष्ठ नागरिक आश्रम परिवार,
चाँगुनारायण -९, ताथली, भक्तपुर