उत्सव भन्दा माथि सेवा –

आजको समाजमा जन्मदिन भन्नासाथ केक, पार्टी र सामाजिक सञ्जालका शुभकामनाहरू सम्झिन्छौं । तर भक्तपुर नगरपालिका वडा नं. ९, कमलविनायक निवासी सृष्टि शाही ज्यूले यसपटक जन्मदिनलाई फरक अर्थ दिनुभएको छ । उहाँले आफ्नो विशेष दिनलाई आत्मकेन्द्रित उत्सव होइन, मानवतामैत्री कर्ममा रूपान्तरण गर्नुभएको छ ।
छोरीको घर ज्येष्ठ नागरिक आश्रम पुगेर त्यहाँ आश्रित बुवा–आमाहरूलाई दिउँसोको खाजा खुवाउनु सामान्य सेवा जस्तो देखिए पनि यसको अर्थ निकै गहिरो छ । आजका धेरै वृद्धवृद्धा परिवारबाट टाढा, एक्लोपन र उपेक्षाको पीडामा बाँचिरहेका छन् । यस्तो अवस्थामा कसैले समय, माया र सम्मान दिएर उनीहरूको दिन उज्यालो बनाउनु समाजका लागि ठूलो सन्देश हो ।
सृष्टि शाही ज्यूले देखाएको बाटो केवल एउटा उदाहरण हो । यो बाटो हिँड्न सके, हाम्रो समाज केवल सम्पन्न होइन, संवेदनशील र जिम्मेवार पनि बन्नेछ ।
यस्तो महान कार्य गर्नुभएकोमा सृष्टि शाही ज्यूलाई हार्दिक आभार व्यक्त गर्दै जन्मदिनको अवसरमा सुस्वास्थ्य, दीर्घायु र उत्तरोत्तर प्रगतिको कामना गर्दछौं।

छोरीको घर ज्येष्ठ नागरिक आश्रम परिवार,
चाँगुनारायण -९, ताथली, भक्तपुर